تراهم أمانه

سبحان الله وبحمده سبحان الله العظيم

~ تراهم أمانه ~
يعني الواحد لو بيعطيك أمانه وهو واثق فيك راح تضيعها
أكيد مستحيل راح تحتفظ فيها صح
طيب يالوالد والوالده ربي أعطاكم أمانه وهم الأبناء ليه تضيعونهم
المفروض تحافظون عليهم تطالعون شنو يسوون , شنو يطالعون
لاتقولون محافظين عليهم وعندهم هالقنوات الفاسده اللي تعلم على الفساد وعلى قلة الحياء
شوفوا الاولاد شنو صاروا يسوون اللي يطالع في بعض الاولاد يقول هذا بنت
مو ولد صار يقلد البنت في كل شي في لبسه وفي شكله
ولابعد قدروا هالقنوات يوصلون لشي يمكن كان أول مستحيل أحد يسوويه
وهو إن الولد يحب ولد ثم يطور الامر إلى أن يوصل إلى ....
أعتذر وربي عن كتابته لانه مو لايق
والا البنت صار عندها كل شي عادي حتى في لبسها صار اللي يشوف لبسها
عند ابوها واخوها يقول كأنها عند زوجها ولا فيها ذرة من الحيـاء .
والا التصوير اللي صار في كل لقطه لها ترسلها لصديقاتها وعادي عندها
طيب هالصديقه ماعندها اخوان راح يطالعونها.
ولا بعد صار ولد العم وولد الخال مثل الاخو وأشد بعد
صارت تكلمهم وتضحك معهم وشوي بس وتسلم عليهم .
كل هذا بسبب هالقنوات اللي علمتهم انهم يتجرؤن ويسوون هالاشياء
والله غلبونا يعني قدروا يأثرون على عقول الناس ويغيرونهم
وللاسف كل هذا يصير ومازال الوالدين يقولون احنا محافظين عليهم
لو إنكم جد محافظين عليهم كان ما دخلتوا هالقنوات في بيوتكم
لاتقولون عشان الاخبار ومحذفين بعض القنوات
ياكثر ماسمعنا هالكلام واللي صار عذر
وترى إبليس لحد الحين حي مامات
وتذكروا " كلكم راع وكلكم مسئول عن رعيتـه "
وتراهم أمانه .