فين حقوقنا يابشر

من طرف **يحي الأمين** الأحد أغسطس 28, 2011 4:27 pm

مين مع مين ... ومين ضد مين ... احنا مش فاهمين ...طهقنا خلاص وتعبانين

هي بلدنا ولا بلاد ناس تانين ... ما تفهمونا يا مصريين

سمعت وقريت بيان طويل ... اللي يقولك ده جاسوس وعميل ... واللي يقولك لا ده وطني وجميل

هو
خلاص مفيش سبيل ... غير تبادل الاتهامات والرغي والتطويل ... شباب الثورة
والمعتصمين و 6 ابريل ... كلهم مصريين وبيحبو مصر ولحبها مافيش بديل

امتى حنبص لمصلحة بلدنا ... امتى ح نرتاح في حياتنا ... امتى ح نجيب حقوق الشهداء من ولادنا

كل احترام وتقدير ... لجيش مصر القدير ... لكن الي بيحصل في العباسيه وميدان التحرير

وراه مصالح كتير ... ومحتاج منهم رد وتبرير

ناس معاها فلوس ... تستخدم بلطجيه وع الناس بتدوس ... واللي بيولع فتنه وبين العباد مدسوس

ناس
عايزة تكتم اصواتنا ... وتخرب نجاح ثورتنا ... وطوائف بتدور على مصالحهم
ومش باصين لمصلحتنا ... واحنا تايهين بين دول ودول ومش مرتاحين في عيشتنا

وكل مجموعه عامله شله ... ونسمع كلام ورغي في جرايد ومجله ... واحزاب كتير مش قله

وكله ضد كله زي ما يكون ماسكين لبعض ذله

طيب
ليه وعايزين من بعض ايه ... هو احنا مش شعب واحد ولا ايه ... القوي يكسر
في الضعيف ويجي عليه ... والضعيف بيحارب ومش بايديه ... والدنيا خربانه يا
بيه

ناس عايشه ومرتاحه ... وتتنقل بعربيات تمساحه ... واجتماعات في
فنادق خمس نجوم وبهرجه فواحه ... ومطالبنا مش بتيجي ولا حقوقنا حاجه تشل
بصراحه

وناس معتصمين في الشمس والحر ... وعايزين حقهم ومش راسيين
على بر ... ومن الي شايفينه شاربين المر ... ولا عارفين اللي ح يحصل خير او
شر ... اصل اللي بيحصل باينه سر

ويا سيدي على ناس غريبه ... نصبوا انفسهم اولياء امورنا بطريقه عجيبه ... وبيوفقوا وبيرفضوا على سياسه واحنا الي بندفع الضريبه

الناس دي عباره عن مجموعه احزاب ... وشويه من الشباب ... وجماعات ضد بعض مش احباب

انا من الي بشوفه جالي اكتئاب

كملت
بالي يوقع الناس في الجيش ... وكل هدفه مصر تخرب وهو يعيش ... ناس تضرب في
بعض وفين العقل مفيش ... والي بيحصل في الاسكندريه والعريش

الي تبع النظام القديم ... والي عايز يخربها ليه معرفش وربي بيه عليم ... واخبار عليها تعتيم

والي يدولوا وضع وتكريم ... والتاني يقولك ده حرامي ولئيم ... هم عايزين ايه يقسموا البلد تقسيم

ارحمونااااااااااااااااااااااا ... تعبتونااااااااااااااااااااااااا

عايزين حق الشهداء ... وعيزين نريح الفقراء ... عايزين نقضي على الفساد الي تحول لداء

وشكله ملوش دواء

عايزين مصلحة مصر ... لا عايزين فلوس ولا نسكن في قصر ... عايزين للثورة النصر

عايزين عيشه كريمه وحريه ... عايزين نحب بلدنا بنفوس تقيه ... مش عايزين الي بيدور على مصلحه شخصيه ... عايزين نشتغل بجد ونخلص النيه

عايزين نستعين بالله ... ونرجع الحق ونطبق العدل بمعناه ... مش عايزين تاني نعيش في معاناة

مش عايزين سلطه ولا جاه ... عايزين نعمر مصر في كل اتجاه

اللهم انصرنا وارحمنا وارشدنا سبيل النجاه

من طرف **Admin** الأحد أغسطس 28, 2011 5:45 pm

يسلمووووووو

يسلمو

فين حقوقنا يابشر

فين حقوقنا يابشر

رد: فين حقوقنا يابشر

رد: فين حقوقنا يابشر