قصيدة أنــت قـاسي

--------------------------------------------------------------------------------

قصيدة أنــت قـاسي






كابر بكيفك وانا ماني مكابر
انت قاسي / قاسي جدًا ذي حقيقه
كم لي آعاني من اسبابك وصابر
وان زعلت ازعل عساني في حريقة
ما تطيق اللي اعيشه لو تثابر
لو تثابر والله إنك ماتطيقه
حزني اكبر من قصيد ومن محابر
وضيقتي منّك ترى ماهي بضيقه
لان عندي هم ٍ اكبر وانت خابر
ماهو هم العاشق ان فارق عشيقه
ادري انك في حياتي شخص عابر
لو احبه بالثواني والدقيقه
واعرف ضعوف الاوادم والاكابر
واعرف ان الورد يهدي من رحيقه
حي لكن كل ما ازور المقابر
كني احفر قبر واسع واستضيقه
والامل لو كان له عندي معابر
ماتلاقيني عجزت القى طريقه
والحقيقه اني منهك بس صابر
وانت طالع وجهي وتقرى الحقيقه
فهد بن صنهات الديحاني

مشكوووووور